राज ठाकरे – उद्धव ठाकरे यांची मातोश्रीवर भेट; युतीची चर्चा चर्चेत

मनसे अध्यक्ष राज ठाकरे यांनी मातोश्री निवासस्थानी शिवसेना (उद्धव बाळासाहेब ठाकरे) नेत्यांसोबत उद्धव ठाकरे यांची भेट घेतली.

मुंबई – ५ ऑक्टोबर २०२५: मनसे अध्यक्ष राज ठाकरे यांनी मातोश्री निवासस्थानी शिवसेना (उद्धव बाळासाहेब ठाकरे) नेत्यांसोबत उद्धव ठाकरे यांची भेट घेतली. ही भेट महाराष्ट्राच्या राजकारणात महत्त्वपूर्ण मानली जात आहे, विशेषतः आगामी स्थानिक स्वराज्य संस्थांच्या निवडणुकांच्या पार्श्वभूमीवर.
राज ठाकरे यांची ही भेट या वर्षातील पाचवी असून, या काळात दोन्ही नेत्यांनी अनेकदा भेटी घेतल्या आहेत. यामध्ये मुंबई महापालिका आणि इतर स्थानिक संस्थांच्या निवडणुकांसाठी संभाव्य राजकीय युतीवर चर्चा झाल्याचे समजते.
दोन्ही पक्षांमध्ये युतीसाठी जागावाटपाचे फॉर्म्युला, निवडणुक रणनीती आणि आगामी योजना यावर चर्चा झाल्याचे समजते. मुंबईत ५०-५० टक्के जागावाटप, तर इतर ठिकाणी ४०-६० टक्के वाटपाचे प्रस्ताव चर्चेत असल्याची माहिती आहे. राज ठाकरे आणि उद्धव ठाकरे यांची वाढती भेटी आणि मातोश्रीवर झालेली चर्चा शिवसेना – मनसे युतीची शक्यता वाढवत आहे. तरीही, युतीची अधिकृत घोषणा अद्याप झालेली नाही, परंतु आगामी निवडणुकीच्या पार्श्वभूमीवर ही चर्चा महत्वाची मानली जात आहे.

राज ठाकरे – उद्धव ठाकरे यांची मातोश्रीवर भेट; युतीची चर्चा चर्चेत

Comments

Leave a Reply Cancel reply